Hero (2002)

မိုးအောက်မြေပြင်မှာ ပြိုင်ဘက်ကင်းသိုင်းပညာရှိတဲ့ကောင်းကင်၊

နှစ်ယောက်ပေါင်းတိုက်ရင် စစ်သည်သုံးထောင်တောင်

မတားဆီးနိုင်တဲ့ ဇနီးမောင်နှံ ဓားကျိုးနဲ့ နှင်း။

ဇေအိုနိုင်ငံသား ထိုသိုင်းသမား 3ယောက်ဟာ တရုတ်တစ်ပြည်လုံးနယ်မြေချဲ့ထွင်မှုတွေလုပ်နေတဲ့ ကင်ဘုရင်အတွက် အမြဲစိုးရိမ်ရ‌စေပြီးအိပ်ရေးပျက်စေတဲ့ သူတွေဖြစ်ပါတယ်။

ကင်ဘုရင်ဟာ သူတို့သုံးယောက်ကို ကြောက်လွန်းတဲ့အတွက် နန်းတွင်းမှာလုံခြုံရေးအထပ်ထပ်နဲ့အတူ

သူ၏ပုလ္လင်နဲ့ ခြေလှမ်းတစ်ရာအတွင်း မည်သူကိုမှ

အလာမခံခိုင်းတဲ့အထိ အမိန့်ထုတ်ပြန်ထားပါတယ်။

ဒါပေမယ့် အမိန့်တစ်ခုလည်းရှိသေးပါတယ်။သိုင်း‌လောက နံပါတ်1ဖြစ်တဲ့ကောင်းကင်ကို သုတ်သင်နိုင်သူဟာ တခြားဆုလာဘ်တွေနဲ့အတူ ကင်ဘုရင်နဲ့ ခြေလှမ်း20အကွာမှာ အရက်အတူသောက်ခွင့်ရမှာပါ။နှင်းနဲ့ ဓားကျိုးထဲက တစ်ယောက်ယောက်ကို ထပ်သုတ်သင်နိုင်ရင်တော့ သူနဲ့ ခြေဆယ်လှမ်းအကွာထိ ‌သွားခွင့်ရှိမှာပဲဖြစ်ပါတယ်။

အမည်မဲ့(သုံည)ဆိုသူ ဓားသမားဟာ ကင်ဘုရင်နဲ့ ခြေဆယ်လှမ်းအကွာမှာ အရက်အတူသောက်ချင်တဲ့အတွက်

ထိုသုံးယောက်ကို လိုက်ရှာပြီး သိုင်းပညာချင်းယှဉ်ပြိုင်ပါတော့တယ်။

10နှစ်လုံးလုံး ဓားသိုင်းပညာကို အပြင်းအထန်ကြိုးစားကျင့်ခဲ့တဲ့ အမည်မဲ့တစ်ယောက် ဘယ်သူမှ မယှဉ်နိုင်တဲ့

သိုင်းသမား3ယောက်ကို အနိုင်ယူနိုင်ပါ့မလား။

သူကရော ဘာလို့ ကင်နိုင်ငံဘုရင်ရဲ့ခြေဆယ်လှမ်းအကွာမှာ အရက်အတူသောက်ချင်ရတာလဲ။

သိုင်းကွက်အမိုက်စားတွေနဲ့အတူ ထင်မှတ်မထားတဲ့ဇာတ်လမ်းအပြောင်းအလဲတွေကြားမှာ အသက်ရှူဖို့ပါ မေ့တဲ့အထိ ကောင်းတဲ့ဇာတ်ကားတစ်ပုဒ်ပါ။